"Milan" "Roma" yarim himoyachisi Nikolo Dzanyolo uchun "Tottenxem" bilan kurashmoqchi, deb xabar beradi Sky Italia.
"Rossonerilar" 23 yoshli italiyalik futbolchini sotib olish imkoniyati bilan mavsum oxirigacha ijaraga olishga tayyor. Oldinroq "Tottenxem" ham xuddi shunday kelishuv formatini taklif qilgani xabar qilingandi, biroq "Roma" futbolchining to‘liq sotilishini istamoqda va u uchun 35 dan 40 million yevrogacha olishni kutmoqda.
2022/23 yilgi mavsumda Dzanyolo “Roma” safida 17 ta o‘yinda maydonga tushib, 2 ta gol urdi va 3 ta golli uzatmani amalga oshirdi. Transfermarkt.com portali futbolchining narxini 30 million yevroga baholamoqda.
