"Милан" "Рома" ярим ҳимоячиси Николо Дзаньоло учун "Тоттенхэм" билан курашмоқчи, деб хабар беради Sky Italia.
"Россонерилар" 23 ёшли италиялик футболчини сотиб олиш имконияти билан мавсум охиригача ижарага олишга тайёр. Олдинроқ "Тоттенхэм" ҳам худди шундай келишув форматини таклиф қилгани хабар қилинганди, бироқ "Рома" футболчининг тўлиқ сотилишини истамоқда ва у учун 35 дан 40 миллион еврогача олишни кутмоқда.
2022/23 йилги мавсумда Дзаньоло “Рома” сафида 17 та ўйинда майдонга тушиб, 2 та гол урди ва 3 та голли узатмани амалга оширди. Transfermarkt.com портали футболчининг нархини 30 миллион еврога баҳоламоқда.
