"Makkabi" yarim himoyachisi Oskar Glux faoliyatini boshqa klubda davom ettirishi mumkin, deya xabar beradi jurnalist Fabrisio Romano.

Manbaga ko‘ra, "Zalsburg" 18 yoshli isroillik futbolchiga da’vogarlik qilmoqda. Avstriya klubi allaqachon futbolchi bilan muzokaralar olib bormoqda va shu hafta kelishuvni yakunlash niyatida.

Glux joriy mavsumda “Makkabi” safida 22 ta o‘yinda maydonga tushib, 6 ta gol urdi va 7 ta golli uzatmani amalga oshirdi. Transfermarkt portali futbolchining narxini 4,5 million yevroga baholamoqda.