Londonning "Chelsi" klubi Qatarda bo‘lib o‘tgan 2022 yilgi jahon chempionatining eng yaxshi yosh futbolchisi, "Benfika" yarim himoyachisi Enso Fernandesni qo‘lga kiritmoqchi. Bu haqda Portugaliyaning Record nashri xabar bermoqda.

Manbaga ko‘ra, "Chelsi" avvalgi kelishuv muvaffaqiyatsizlikka uchraganidan so‘ng taslim bo‘lmagan va joriy qishki transfer oynasi tugaguniga qadar argentinalik yarim himoyachini sotib olish uchun "Benfika"ga yana bir taklif bilan chiqadi.

Avvalroq, "Benfika" Fernandesni transfer qilish bo‘yicha "Chelsi"ning barcha takliflarini rad etgani ma’lum bo‘lgandi. Londonliklar argentinalik uchun 3 nafar futbolchi va 90 million yevro taklif qilishdi. "Aristokratlar" 22 yoshli yarim himoyachi uchun ham 127 million yevro to‘lashlari mumkin edi, ammo transfer amalga oshmadi.