"Manchester Yunayted"ning sobiq himoyachisi Gari Nevill "Tottenxem" bosh murabbiyi Antonio Kontening kelajagi haqida o‘z fikrlarini bildirib o‘tdi.

“Menimcha, “Tottenxem” Antonio Konte bilan juda omadli. U o‘tgan mavsumda jamoani Chempionlar ligasiga olib chiqdi, ular xohlaganini qildi. Hozirda ular Chempionlar ligasidagi o‘rindan bir necha ochko uzoqda. Konte qayerda "Tottenxem"dan yaxshiroq bo‘ladi? Klub rahbariyati uni qo‘llab-quvvatlamasligi - bu ertak. O‘ylaymanki, tomonlar kelishuvga erishadilar va Konte klub bilan yangi shartnoma imzolaydi", - deya Nevillning so‘zlarini keltiradi Sky Sports.

Konte 2021 yildan buyon "Tottenxem"ni boshqaradi. Murabbiyning klub bilan amaldagi shartnomasi 2023 yilning yoziga qadar tuzilgan. "Shporlar" 21 turdan keyin 36 ochko bilan APLda 5-o‘rinda bormoqda.