"Манчестер Юнайтед"нинг собиқ ҳимоячиси Гари Невилл "Тоттенхэм" бош мураббийи Антонио Контенинг келажаги ҳақида ўз фикрларини билдириб ўтди.
“Менимча, “Тоттенхэм” Антонио Конте билан жуда омадли. У ўтган мавсумда жамоани Чемпионлар лигасига олиб чиқди, улар хоҳлаганини қилди. Ҳозирда улар Чемпионлар лигасидаги ўриндан бир неча очко узоқда. Конте қаерда "Тоттенхэм"дан яхшироқ бўлади? Клуб раҳбарияти уни қўллаб-қувватламаслиги - бу эртак. Ўйлайманки, томонлар келишувга эришадилар ва Конте клуб билан янги шартнома имзолайди", - дея Невиллнинг сўзларини келтиради Sky Sports.
Конте 2021 йилдан буён "Тоттенхэм"ни бошқаради. Мураббийнинг клуб билан амалдаги шартномаси 2023 йилнинг ёзига қадар тузилган. "Шпорлар" 21 турдан кейин 36 очко билан АПЛда 5-ўринда бормоқда.
