"Chelsi" himoyachisi Ris Jeyms jamoasining navbatdagi London derbisida "Fulxem"ga qarshi o‘yinida ishtirok etadi.
Eslatib o‘tamiz, angliyalik futbolchi dekabr oyi oxirida tizzasidan jarohat olgani uchun safdan chiqqan edi.
Jurnalist Nizar Kinsellaning fikricha, "Fulxem"ga qarshi o‘yinda Jeymsni asosiy tarkibda kutmaslik kerak, biroq himoyachi zaxirada maydonga tushib, o‘yinni kuchaytirishi mumkin.
Ikki hafta ichida "Chelsi"ning yana ikki futbolchisi safga qaytishi mumkin - himoyachi Uesli Fofana va vinger Rahim Sterling.
Eslatib o‘tamiz, har ikkala futbolchi ham joriy mavsum boshlanishidan oldin "ko‘klar" safiga qo‘shilgandi.
