"Челси" ҳимоячиси Рис Жеймс жамоасининг навбатдаги Лондон дербисида "Фулхэм"га қарши ўйинида иштирок этади.
Эслатиб ўтамиз, англиялик футболчи декабрь ойи охирида тиззасидан жароҳат олгани учун сафдан чиққан эди.
Журналист Низар Кинселланинг фикрича, "Фулхэм"га қарши ўйинда Жеймсни асосий таркибда кутмаслик керак, бироқ ҳимоячи захирада майдонга тушиб, ўйинни кучайтириши мумкин.
Икки ҳафта ичида "Челси"нинг яна икки футболчиси сафга қайтиши мумкин - ҳимоячи Уэсли Фофана ва вингер Раҳим Стерлинг.
Эслатиб ўтамиз, ҳар иккала футболчи ҳам жорий мавсум бошланишидан олдин "кўклар" сафига қўшилганди.
