"Lasio" yarim himoyachisi Sergey Milinkovich-Savich Italiya A Seriyasining 19-turidan o‘rin olgan "Milan"ga qarshi o‘yindagi g‘alaba (4:0) haqida fikr bildirdi.

"Ehtimol, bu eng yaxshi oqshomdir. Muxlislarimiz qarshisida ajoyib o‘yin o‘tkazdik. Butun jamoa yaxshi o‘ynadi va g‘alaba haqli edik. Lekin biz yerda mustahkam turib, kamtarlik bilan oldinga intilamiz. Agar oxirgi o‘yinlardagidek o‘ynasak, juda uzoqqa borishimiz mumkin. Albatta, omadsizlikka uchragan paytlar doim bo‘ladi, lekin biz ularning sonini kamaytirishga harakat qilamiz.

Biz qachondir Sarri qo‘l ostida Skudetto uchun kurasha olamizmi? Nega kurashmasligimiz? Mamlakatning amaldagi chempionlariga qarshi shunday o‘ynasak, bizga nima to‘sqinlik qilishi kerak?

Ha, men "Milan"ga hech qachon gol urmaganim haqida ko‘p o‘qiganman, lekin bu safar hammasi o‘zgarishini oldindan sezib qoldim", — dedi Milinkovich-Savich DAZN bilan suhbatda.