Londonning "Chelsi" klubi tez orada Argentina terma jamoasining jahon chempionatida g‘olib chiqqan asosiy jamoasi bo‘lgan "Brayton" yarim himoyachisi Aleksis Makallister bilan shartnoma imzolashi mumkin.

Tutto Mercato Web sayti xabariga ko‘ra, "ko‘klar" yarim himoyachining transferini jiddiy o‘ylashmoqda. Manbaga ko‘ra, "chaykalar" avvalroq londonliklarning 55 million yevro miqdoridagi birinchi taklifini rad etishgan.

Avvalroq, "Chelsi" "Brayton"dan yana bir yarim himoyachi, 21 yoshli Moyses Kaysedoni qo‘lga kiritishga harakat qilgandi, biroq "Brayton" futbolchi uchun 110 million yevrodan ko‘proq narx belgilashgan.

24 yoshli Makallister joriy mavsumda Premyer-liganing 17 o‘yinida 5 ta gol urdi.