"Chelsi" germaniyalik yarim himoyachi Kay Xaversning transferi bo‘yicha takliflarni ko‘rib chiqishga tayyor. Goal.com portali jurnalistlariga ma’lum bo‘lishicha, londonliklar 23 yoshli futbolchi uchun 65 million yevro to‘lashsa, uni sotishadi. Kayga "Bavariya" qiziqish bildirmoqda.
Xavers 2020 yil sentyabrda “Chelsi”ga kelib qo‘shildi va London klubi bilan 2025 yilning iyunigacha uzoq muddatli shartnoma imzoladi. Transfermarkt portali uning narxini 70 million yevroga baholamoqda.
Angliya Premyer-ligasining joriy mavsumida Xavers 19 ta o‘yinda maydonga tushib, 5 ta gol urdi va bitta golli uzatmani amalga oshirdi.
