"Челси" германиялик ярим ҳимоячи Кай Хаверцнинг трансфери бўйича таклифларни кўриб чиқишга тайёр. Goal.com портали журналистларига маълум бўлишича, лондонликлар 23 ёшли футболчи учун 65 миллион евро тўлашса, уни сотишади. Кайга "Бавария" қизиқиш билдирмоқда.
Хаверц 2020 йил сентябрда “Челси”га келиб қўшилди ва Лондон клуби билан 2025 йилнинг июнигача узоқ муддатли шартнома имзолади. Transfermarkt портали унинг нархини 70 миллион еврога баҳоламоқда.
Англия Премьер-лигасининг жорий мавсумида Хаверц 19 та ўйинда майдонга тушиб, 5 та гол урди ва битта голли узатмани амалга оширди.
