Madridning "Atletiko" klubi "Barselona" hujumchisi Ferran Torres bilan qiziqmoqda. Bu haqda Mundo Deportivo nashri xabar berdi.
Qayd etilishicha, madridliklar rahbariyati 22 yoshli chap qanot hujumchisini Yannik Karraskoga o‘rinbosar sifatida ko‘rmoqda va shu qishdayoq unga taklif bilan chiqishi mumkin.
Ferranning "ko‘k-anorranglilar" bilan shartnomasi 2027 yilgacha tuzilgan. Transfermarkt portalida u 35 million yevroga baholanmoqda.
Avvalroq "matraschilar" Memfis Depayni "Barsa"dan 3-4 million yevro evaziga sotib olgandi.