Мадриднинг "Атлетико" клуби "Барселона" ҳужумчиси Ферран Торрес билан қизиқмоқда. Бу ҳақда Mundo Deportivo нашри хабар берди.
Қайд этилишича, мадридликлар раҳбарияти 22 ёшли чап қанот ҳужумчисини Янник Карраскога ўринбосар сифатида кўрмоқда ва шу қишдаёқ унга таклиф билан чиқиши мумкин.
Ферраннинг "кўк-анорранглилар" билан шартномаси 2027 йилгача тузилган. Transfermarkt порталида у 35 миллион еврога баҳоланмоқда.
Аввалроқ "матрасчилар" Мемфис Депайни "Барса"дан 3-4 миллион евро эвазига сотиб олганди.