“Nyukasl” yarim himoyachisi Joelinton bir yilga mashina haydash huquqidan mahrum qilindi va 29 ming funt jarimaga tortildi, deb xabar beradi Sky Sports.

12 yanvar kuni braziliyalik yarim himoyachi mast holda mashina boshqargani uchun hibsga olingandi.

26 yoshli yarim himoyachining ingliz klubi bilan amaldagi shartnomasi 2025 yilning iyunigacha mo‘ljallangan.

Joelinton joriy mavsumda “Nyukasl” safida barcha turnirlar doirasida 24 ta o‘yinda maydonga tushib, 4 ta gol urdi va 3 ta golli uzatmani amalga oshirdi.