«Borussiya Dortmund»ning sobiq yarim himoyachisi Vladimir But 1996/97 yilgi mavsumda Chempionlar ligasida g‘olib chiqqani uchun Dortmund klubi futbolchilari qancha maosh olgani haqida gapirib berdi.
«Bu «Borussiya» safida Chempionlar ligasida g‘alaba qozonganimiz uchun berilgan bonuslar edi. Har bir futbolchiga 500 ming yevrodan berilgan, zaxira futbolchilariga esa 250 ming.
Aniqrog‘i, shunday. Agar siz 70-daqiqada zaxiradan maydonga tushsangiz, to‘liq miqdorni olasiz. Agar 70-dan keyin bo‘lsa, 50 foiz. Finalda qaydnomadan tashqarida bo‘lganlarga, shu jumladan, menga 150 ming to‘lashdi», — dedi But.
