"Chelsi" markaziy himoyachisi Trevo Chaloba tez orada jamoani tark etishi mumkin. Jurnalist Devid Ornshteynning so‘zlariga ko‘ra, klub rahbariyati angliyalik futbolchini transfer oynasi tugaguncha sotish haqida o‘ylamoqda.
23 yoshli Chaloba allaqachon ijtimoiy tarmoqlarda bu mish-mishlarga javob qaytargan: “Bolalar, mening eng sevimli rangim ko‘k. sizniki nima?" Bu bilan himoyachi Grem Potter jamoasini tark etmoqchi emasligiga shama qilgan bo‘lsa kerak.
Trevo Chaloba so‘nggi paytlarda "Chelsi"ning asosiy himoyachisi bo‘ldi. Joriy mavsumda u Angliya Premyer-ligasida 12 ta o‘yin o‘tkazdi.