"Челси" марказий ҳимоячиси Трево Чалоба тез орада жамоани тарк этиши мумкин. Журналист Девид Орнштейннинг сўзларига кўра, клуб раҳбарияти англиялик футболчини трансфер ойнаси тугагунча сотиш ҳақида ўйламоқда.
23 ёшли Чалоба аллақачон ижтимоий тармоқларда бу миш-мишларга жавоб қайтарган: “Болалар, менинг энг севимли рангим кўк. сизники нима?" Бу билан ҳимоячи Грем Поттер жамоасини тарк этмоқчи эмаслигига шама қилган бўлса керак.
Трево Чалоба сўнгги пайтларда "Челси"нинг асосий ҳимоячиси бўлди. Жорий мавсумда у Англия Премьер-лигасида 12 та ўйин ўтказди.
