"Yuventus" Ueston Makkenni o‘rniga yangi yarim himoyachi sotib olmoqchi emas, deya xabar beradi jurnalist Nikolo Skira.
24 yoshli amerikalik ertaga "Lids"ga o‘tish oldidan tibbiy ko‘rikdan o‘tadi, klublar futbolchini 35 million yevroga sotib olish imkoniyati bilan 1,5 million yevroga to‘langan ijaraga kelishib oldi.
Oldinroq "Yuventus" qishda "Lasio"dan Sergey Milinkovich-Savichni qo‘lga kiritishga urinib ko‘rishi mumkinligi, ammo bungacha turinliklar futbolchisini sotish orqali byudjetdan mablag‘ bo‘shatishi kerakligi haqida xabar berilgandi.
Makkenni joriy mavsumda 21 o‘yinda 3 ta gol urdi va 2 ta golli uzatmani amalga oshirdi.













