"Ювентус" Уэстон Маккенни ўрнига янги ярим ҳимоячи сотиб олмоқчи эмас, дея хабар беради журналист Николо Скира.
24 ёшли америкалик эртага "Лидс"га ўтиш олдидан тиббий кўрикдан ўтади, клублар футболчини 35 миллион еврога сотиб олиш имконияти билан 1,5 миллион еврога тўланган ижарага келишиб олди.
Олдинроқ "Ювентус" қишда "Лацио"дан Сергей Милинкович-Савични қўлга киритишга уриниб кўриши мумкинлиги, аммо бунгача туринликлар футболчисини сотиш орқали бюджетдан маблағ бўшатиши кераклиги ҳақида хабар берилганди.
Маккенни жорий мавсумда 21 ўйинда 3 та гол урди ва 2 та голли узатмани амалга оширди.
