"Milan" rahbarlari yomon natijalar tufayli favqulodda yig‘ilish o‘tkazdilar.
Milanliklar kecha A seriyada o‘z uyida "Sassuolo"ga yirik hisobda mag‘lub bo‘lishdi (2:5). Klub ketma-ket 6 ta o‘yinda g‘alaba qozona olmayapti va ketma-ket uchta o‘yinda umumiy 2:12 hisobida mag‘lub bo‘ldi. Stefano Pioli jamoasi ikkinchi o‘rindan to‘rtinchi o‘ringa qaytdi va 20-tur natijalariga ko‘ra, undan ham pastroq tushishi mumkin.
Yig‘ilishda transfer oynasining so‘nggi kunlarida jamoaning kuchayishi mumkinligi haqida so‘z bordi. Hozircha qishda faqatgina "Guarani" klubi darvozaboni Devis Vaskes bilan shartnoma imzolangan.
"Milan" boshliqlari - bosh direktor Jorjio Furlani, texnik direktor Paolo Maldini va sport direktori Frederik Massara - "Roma"dan Nikolo Dzanyolo yoki "Chelsi"dan Xakim Ziyesh bilan shartnoma imzolash borasida bir xil fikrda.
Taxminlarga ko‘ra, marokashlik yarim himoyachini kamroq pulga sotib olsa bo‘ladi, lekin uning maoshi katta, italiyalik yarim himoyachining maoshi kam, lekin transfer summasi kattaroq.
