"Roma" sport direktori Tyago Pinto hujumchi Nikolo Dzanyolo jamoani tark etmoqchi ekanligini tan oldi. Eslatib o‘tamiz, 23 yoshli futbolchining xizmatlariga Italiya chempioni "Milan" va Angliyaning "Bornmut" klublari qiziqish bildirmoqda.
"Dzanyolo jamoani tark etmoqchi, bu haqiqat. "Bornmut" bilan kelishuvga erishdik, biroq futbolchi transferdan bosh tortdi. Vaziyat biz uchun juda qiyin. Qolgan 48 soat ichida yechim topishga harakat qilamiz", — dedi Pinto.
Eslatib o‘tamiz, Dzanyoloning bo‘lajak sotuvidan 15 foizni shartnoma shartlariga ko‘ra, "Inter" olishi kerak. Dzanyolo "neradzurrilar"ning tarbiyalanuvchisi sanaladi.
