"Рома" спорт директори Тьяго Пинто ҳужумчи Николо Дзаньоло жамоани тарк этмоқчи эканлигини тан олди. Эслатиб ўтамиз, 23 ёшли футболчининг хизматларига Италия чемпиони "Милан" ва Англиянинг "Борнмут" клублари қизиқиш билдирмоқда.
"Дзаньоло жамоани тарк этмоқчи, бу ҳақиқат. "Борнмут" билан келишувга эришдик, бироқ футболчи трансфердан бош тортди. Вазият биз учун жуда қийин. Қолган 48 соат ичида ечим топишга ҳаракат қиламиз", — деди Пинто.
Эслатиб ўтамиз, Дзаньолонинг бўлажак сотувидан 15 фоизни шартнома шартларига кўра, "Интер" олиши керак. Дзаньоло "нерадзуррилар"нинг тарбияланувчиси саналади.
