Yarim himoyachi Isko faoliyatini "Union Berlin"da davom ettiradi, deya xabar beradi jurnalist Florian Plattenberg.
30 yoshli ispaniyalik Berlin jamoasi bilan shartnomani yana bir mavsumga uzaytirish imkoniyati bilan 2024 yilning yozigacha imzolaydi. 31 yanvar kuni u tibbiy ko‘rikdan o‘tadi va shundan so‘ng u yangi klubi bilan rasman shartnoma tuzishi mumkin bo‘ladi.
Isko hozirda erkin agent hisoblanadi. 2022 yilning 21 dekabr kuni futbolchi o‘tgan yilning avgust oyidan buyon o‘ynab kelayotgan “Sevilya” bilan shartnomasini bekor qildi.
U jamoa safida barcha musobaqalarda 19 ta o‘yinda maydonga tushib, 1 ta gol urdi va 3 ta golli uzatmani amalga oshirdi.
