Ярим ҳимоячи Иско фаолиятини "Унион Берлин"да давом эттиради, дея хабар беради журналист Флориан Платтенберг.
30 ёшли испаниялик Берлин жамоаси билан шартномани яна бир мавсумга узайтириш имконияти билан 2024 йилнинг ёзигача имзолайди. 31 январь куни у тиббий кўрикдан ўтади ва шундан сўнг у янги клуби билан расман шартнома тузиши мумкин бўлади.
Иско ҳозирда эркин агент ҳисобланади. 2022 йилнинг 21 декабрь куни футболчи ўтган йилнинг август ойидан буён ўйнаб келаётган “Севилья” билан шартномасини бекор қилди.
У жамоа сафида барча мусобақаларда 19 та ўйинда майдонга тушиб, 1 та гол урди ва 3 та голли узатмани амалга оширди.
