Turinning "Yuventus" klubi argentinalik yarim himoyachi Anxel di Mariyaning kelajagi borasida bir qarorga keldi.
La Gazzetta dello Sport nashrining tarqatgan xabariga ko‘ra, "keksa sinyora" 34 yoshli futbolchi bilan hamkorlikni uzaytirmaslikka qaror qilgan. Shu tariqa klub oylik-maoshlarni kamaytirmoqchi.
Di Mariya o‘tgan yozdan beri turinliklar safida o‘ynab kelmoqda. Uning "byankonerlar" bilan amaldagi shartnomasi 2022/2023 yilgi mavsum oxirida yakuniga yetadi.
Anxel joriy mavsum "Yuve" safida 15 ta o‘yinda maydonga tushib, 3 ta gol va 5 ta golli uzatmaga mualliflik qilgan.
