"Bayer" hujumchisi Serdar Azmun "Marsel"ga transfer amalga oshmasa, "Zenit"ga qaytishi mumkin, deya xabar beradi jurnalist Ivan Karpov.
Manbaga ko‘ra, 28 yoshli eronlik Leverkuzen klubidan norozi. Hujumchiga "Marsel" qiziqish bildirmoqda, transfer tashabbuskori esa fransuz klubi sport direktori Xavyer Ribalta bo‘lib, Azmun bilan "Zenit"dagi faoliyatidan tanish.
Agar hujumchi transfer oynasi yopilguniga qadar yangi jamoa bilan kelisha olmasa, Azmun "Zenit"ga qaytishi mumkin. Bu borada Sankt-Peterburg klubi bilan maslahatlashuvlar olib borilmoqda.
Azmun 2019 yildan "ko‘k-oq-ko‘klar" tarkibida o‘ynab kelgandi va 2022 yil boshida u "Bayer"ga o‘tdi. Hujumchining Leverkuzen klubi bilan amaldagi shartnomasi 2027 yilgacha mo‘ljallangan. Transfermarkt portali futbolchining narxini 12 million yevroga baholamoqda.
Joriy mavsumda Azmun “Bayer” tarkibida 13 ta o‘yin o‘tkazib, 2 ta golli uzatmani amalga oshirdi.













