"Chelsi" hujumkor yarim himoyachisi Hakim Ziyesh "PSJ" bilan shartnoma imzolashni intiqlik bilan kutmoqda.
Avval xabar berganimizdek, 29 yoshli marokashlik Parij klubida tibbiy ko‘rikdan o‘tgan, jamoa murabbiyi Kristof Galtye esa muzokaralarni tasdiqlagan edi.
Jurnalist Santi Aunning yangilangan xabariga ko‘ra, Ziyesh va uning hamrohlari hozirda Parij mehmonxonalaridan birida klublar o‘rtasidagi muzokaralar natijasini kutishmoqda. Futbolchi "Chelsi" o‘tishning barcha shartlarini ma’qullaganidan so‘ng darhol fransuz grandi bilan shartnoma imzolaydi.
Hakim Ziyesh joriy mavsum londonliklar safida 15 ta o‘yinda maydonga tushib, 1 ta golli uzatmani amalga oshirdi.
