“Andijon” – “Chiksereda” (0:0) uchrashuvidan keyin Aleksandr Xomyakov taassurotlari bilan o‘rtoqlashdi.

-  Ha, bu bizning ushbu yig‘inimizdagi dastlabki o‘yinimiz. Birinchi uchrashuv uchun normal holat. Birinchi bo‘limda yangi kelgan yigitlarni ko‘rib oldik. Jamoamiz a’zolarining bir-birlarini to‘liq tushunib, jamoaviy o‘ynashlari uchun hali biroz vaqt bor. Umuman olganda, qoniqish hosil qildim. Qayerdadir tashabbusni berib qo‘ydik, ammo ko‘proq to‘pga ega chiqdik. Hali ishlashimiz kerak, asosiysi, jamoamizda potensial bor.

Hozircha legionerlar jamoaga to‘liq kirishib ketishgani yo‘q. Umid qilamanki, keyingi o‘yinga yanada yaxshiroq o‘yin ko‘rsatishlari kerak. Ular saviyali o‘yinchilar. Faqat funksional holatini yaxshilash kerak, umuman olib qaraganda yomon emas.

Ruminiya jamoasini tajovuzkorligi va chidamliligi ko‘rindi. Ular ham yomon emas. Futbolchilari o‘z joylarini almashib harakatlanishdi. Menimcha, ikkinchi bo‘limda qiziqarli o‘yin bo‘ldi. Asosiysi, jamoamizning holatini va xatolarimizni ko‘rib olib, ular ustida ishlash edi. Bu tomondan yaxshi o‘yin bo‘ldi.

"Andijon" matbuot xizmati.