La Ligada qishki transferlar oynasi sarhisobi e’lon qilindi.

2022/23 yilgi qishki transfer oynasida La Liga klublari jami 28,2 million yevro sarfladi, bu o‘tgan yilgi 78,8 million yevrodan 64 foizga kam.

Ispan klublari yanvar oyida MLS klublari (58 million yevro) va Argentina chempionatiga (34 million yevro) qaraganda kamroq mablag‘ sarflashdi.

La Liga klublari jami 58 ta bitim tuzgan. Chempionatda eng ko‘p pul sarflagan "Espanyol" - 13,2 million yevro. Ulardan keyin “Real Betis” (7 million) va “Jirona” (5 million) bormoqda.

Transfer daromadi o‘tgan mavsumga nisbatan ikki baravar ko‘payib, 42,9 million yevroga yetdi. Eng yiriklari Aleks Morenoning “Betis”dan “Aston Villa”ga sotilgani (13,5 million yevro) va Joau Feliksning “Atletiko”dan “Chelsi”ga ijaraga berilishi (6 oyga 11 million yevro) bo‘ldi.