"Liverpul" hujumchisi Darvin Nunyes Angliya Premyer-ligasi haqida o‘z fikrlari bilan o‘rtoqlashdi, shuningdek, klubdagi moslashish muammosi haqida fikr bildirdi.
"Bu yerda chempionat kuchliroq va raqobatbardosh. Bunchalik kuchli bo‘lishini kutmagandim. Nikola Otamendi bu haqda menga aytdi, lekin shunga qaramay, men ko‘rgan narsamni kutmagan edim. Bu menda katta taassurot qoldirdi. Bu yerda yomon jamoalar yo‘q, futbol Portugaliyaga qaraganda qiyinroq va raqobatbardoshroq. Moslashish uchun ko‘p vaqtingiz yo‘q.
Shubhasiz, menda hali qiladigan ishlarim bor, masalan, hujumlarni yakunlashda. Lekin men bilan sodir bo‘lgan voqea Luis Suares bilan sodir bo‘lgan deb o‘ylayman. Bu yerda u ikkinchi yili porladi.
"Benfika"da men bilan ham shunga o‘xshash narsa yuz berdi. Birinchi yil men uchun juda yomon bo‘ldi, ikkinchi mavsumda esa gol ura boshladim. Bu yerda, menimcha, xuddi shu narsa sodir bo‘lmoqda. Umid qilamanki, keyingi mavsum yanada yaxshi bo‘ladi, omad kulib boqishiga umid qilaman”, - dedi Nunyez Sky Sports bilan suhbatda.
