"Ливерпуль" ҳужумчиси Дарвин Нуньес Англия Премьер-лигаси ҳақида ўз фикрлари билан ўртоқлашди, шунингдек, клубдаги мослашиш муаммоси ҳақида фикр билдирди.

"Бу ерда чемпионат кучлироқ ва рақобатбардош. Бунчалик кучли бўлишини кутмагандим. Никола Отаменди бу ҳақда менга айтди, лекин шунга қарамай, мен кўрган нарсамни кутмаган эдим. Бу менда катта таассурот қолдирди. Бу ерда ёмон жамоалар йўқ, футбол Португалияга қараганда қийинроқ ва рақобатбардошроқ. Мослашиш учун кўп вақтингиз йўқ.

Шубҳасиз, менда ҳали қиладиган ишларим бор, масалан, ҳужумларни якунлашда. Лекин мен билан содир бўлган воқеа Луис Суарес билан содир бўлган деб ўйлайман. Бу ерда у иккинчи йили порлади.

"Бенфика"да мен билан ҳам шунга ўхшаш нарса юз берди. Биринчи йил мен учун жуда ёмон бўлди, иккинчи мавсумда эса гол ура бошладим. Бу ерда, менимча, худди шу нарса содир бўлмоқда. Умид қиламанки, кейинги мавсум янада яхши бўлади, омад кулиб боқишига умид қиламан”, - деди Нуньез Sky Sports билан суҳбатда.