Portugaliyaning “Benfika” klubi prezidenti Rui Koshta Enso Fernandesning “Chelsi”ga sotilishi haqida gapirdi.
"Men Enso biz bilan qolib, chempionlik uchun kurashmoqchi deb umid qilgandim. Nihoyat, bunday emasligiga amin bo‘lib, endi uni "Benfika" libosida ko‘rishni xohlamadim. Bu yerda o‘ynashni istamagan futbolchi bizning jamoada bo‘lmasligi kerak. Unga kiyinish xonasida joy yo‘q edi", - deya Koshtadan iqtibos keltiradi Bwin.
Enso Fernandes 2022 yilning iyulidan beri "Benfika"da o‘ynab kelmoqda edi. U "burgutlar" safida 29 ta o‘yinda 4 ta gol va 7 ta golli uzatmani amalga oshirgan.
