«Yuventus» klubi yarim himoyachi Pol Pogbani jamoadan ketishini istamoqda, deb xabar beradi Daily Mail.
Manba bergan xabarga ko‘ra, turinliklar rahbariyati 29 yoshli fransiyalik futbolchini sotish yoki u bilan shartnomani bekor qilish haqida o‘ylamoqda.
Pogba 2022 yilning yozida «Yuventus»ga qaytdi, ammo jarohatlari tufayli hali biror o‘yin o‘tkaza olmadi.
Yarim himoyachining klub bilan shartnomasi 2026 yilning iyunigacha amal qiladi. Transfermarkt portali futbolchining narxini 35 million yevroga baholamoqda.
29 yanvar kuni Pogba Turin klubiga qaytganidan beri birinchi marta o‘yin uchun tarkibga kiritildi.
