«Ювентус» клуби ярим ҳимоячи Поль Погбани жамоадан кетишини истамоқда, деб хабар беради Daily Mail.
Манба берган хабарга кўра, туринликлар раҳбарияти 29 ёшли франциялик футболчини сотиш ёки у билан шартномани бекор қилиш ҳақида ўйламоқда.
Погба 2022 йилнинг ёзида «Ювентус»га қайтди, аммо жароҳатлари туфайли ҳали бирор ўйин ўтказа олмади.
Ярим ҳимоячининг клуб билан шартномаси 2026 йилнинг июнигача амал қилади. Transfermarkt портали футболчининг нархини 35 миллион еврога баҳоламоқда.
29 январь куни Погба Турин клубига қайтганидан бери биринчи марта ўйин учун таркибга киритилди.
