«Chelsi» va yarim himoyachi Meyson Maunt o‘rtasidagi yangi shartnoma bo‘yicha muzokaralar boshi berk ko‘chaga kirib qoldi, deb xabar beradi Daily Mail.

24 yoshli angliyalik futbolchi yangi shartnoma bo‘yicha «ko‘klar»dan kelgan bitta taklifni allaqachon rad etgan va hozirgi maoshini uch barobar oshirishni talab qilmoqda.

Ayni damda Mauntning «Chelsi» bilan amaldagi shartnomasi tugashiga atigi bir yil qoldi, u haftasiga 80 000 funt sterling maoshi bilan asosiy jamoadagi eng kam maosh oluvchi futbolchilardan biri hisoblanadi.

2022/23 yilgi mavsumda yarim himoyachi jamoa safida barcha musobaqalarda 27 ta o‘yinda maydonga tushib, 3 ta gol urdi va 6 ta golli uzatmani amalga oshirdi.