«Челси» ва ярим ҳимоячи Мэйсон Маунт ўртасидаги янги шартнома бўйича музокаралар боши берк кўчага кириб қолди, деб хабар беради Daily Mail.

24 ёшли англиялик футболчи янги шартнома бўйича «кўклар»дан келган битта таклифни аллақачон рад этган ва ҳозирги маошини уч баробар оширишни талаб қилмоқда.

Айни дамда Маунтнинг «Челси» билан амалдаги шартномаси тугашига атиги бир йил қолди, у ҳафтасига 80 000 фунт стерлинг маоши билан асосий жамоадаги энг кам маош олувчи футболчилардан бири ҳисобланади.

2022/23 йилги мавсумда ярим ҳимоячи жамоа сафида барча мусобақаларда 27 та ўйинда майдонга тушиб, 3 та гол урди ва 6 та голли узатмани амалга оширди.