«Manchester Siti» hujumchisi Xulian Alvares Angliya premyer-ligasining 22-turida «Tottenxem»ga qarshi kechgan bahs haqida gapirdi. «Shaharliklar» 0:1 hisobida mag‘lub bo‘lishdi.

«O‘yindan achchiq xotiralar qoladigan bo‘ldi. «Arsenal» bilan oradagi farqni yo‘qotish uchun yaxshi imkoniyatga ega bo‘ldik, ammo yaxshi o‘yin ko‘rsatgan bo‘lsakda bu imkoniyatni qo‘ldan boy berdik.

Biz qo‘limizdan kelganini qildik. Endi ishlashda davom etishimiz kerak», - deya argentinalik futbolchining so‘zlarini keltiradi klub matbuot xizmati.

Eslatib o‘tamiz, «Manchester Siti» 45 ochko bilan turnir jadvalidagi peshqadam «Arsenal»dan 5 ochko ortda qolgan holda ikkinchi o‘rinda bormoqda.