«Манчестер Сити» ҳужумчиси Хулиан Альварес Англия премьер-лигасининг 22-турида «Тоттенхэм»га қарши кечган баҳс ҳақида гапирди. «Шаҳарликлар» 0:1 ҳисобида мағлуб бўлишди.

«Ўйиндан аччиқ хотиралар қоладиган бўлди. «Арсенал» билан орадаги фарқни йўқотиш учун яхши имкониятга эга бўлдик, аммо яхши ўйин кўрсатган бўлсакда бу имкониятни қўлдан бой бердик.

Биз қўлимиздан келганини қилдик. Энди ишлашда давом этишимиз керак», - дея аргентиналик футболчининг сўзларини келтиради клуб матбуот хизмати.

Эслатиб ўтамиз, «Манчестер Сити» 45 очко билан турнир жадвалидаги пешқадам «Арсенал»дан 5 очко ортда қолган ҳолда иккинчи ўринда бормоқда.