Usmon Dembele
Dembele Neymarga aynan o‘rinbosar bo‘ladi deb hisoblangani sababli, katta narxga sotib olingan. U 2017 yilning yozida "Borussiya Dortmund"dan 96,8 million funtga xarid qilingandi. Fransiya terma jamoasi a’zosi Yevropaning eng yorqin yulduzi bo‘lishiga ishonilgan. Ammo jarohatlar Usmonni qattiq qiynadi. 25 yoshli hujumchi klubdagi to‘rt yarim yillik dastlabki davrida "Barsa" muxlislari tomonidan mas’uliyatsizlik va dangasaligi sababli tanqid ostiga olinadi. Dembele o‘tgan mavsumdan keyin o‘zgara boshladi. O‘tgan yozda yangi shartnoma imzolagan futbolchi, hozirda Xavining ishongan vakiliga aylandi.
Paulinyo
Paulinyodan 2017 yilda katta narsalar kutilgan. Ayni paytda sobiq "Tottenxjm" futbolchisining xaridi qattiq tanqid ostiga ham olinadi. Chunki u Xitoy klubidan naq 36 million funtga sotib olingandi. Paulinyo "Barsa"da bir mavsum harakat qildi. U 2018 yilda yana Xitoyga qaytib ketib, ijara asosida "Guanjou" bilan 2019 yilda chempionlikka erishgan. 33 yoshli futbolchi 2021 yilda katalon klubi bilan shartnomani butunlay tugatib, "Al-Ahli" safiga borib qo‘shiladi. Ayni damda u Braziliyada, "Korintians" sharafini himoya qilmoqda.
Nelson Semedu
"Benfika"dan 30 million yevroga xarid qilingan himoyachi Dani Alvesh o‘rnini egallaydi deb ishonilgandi. Ammo bunday bo‘lmadi. Semedu "Barselona"dagi davrida jami 124 ta o‘yinda maydonga tushib, ikkita La-liga va bitta kubok bosh sovrinini qo‘lga kiritadi. Semedu 2019-20 yilgi mavsumda "Bavariya"ga uchralgan qaqshatqich mag‘lubiyatdan keyin (8-2), "Vulverxempton"ga 27,6 million evaziga sotib yuboriladi. Portugaliyalik futbolchi 2022 yil yozida oyog‘idan operasiya qilingandi. Jahon chempionatidan keyin u yana safga qaytgan.
Jerar Deulofeu
Deulofeu aslida klub tarbiyalanuvchisi sanaladi. U "Everton" va "Sevilya"da ijarada yurdi. 2015 yilda esa doimiy sotib yuboriladi. 2017 yilda "Barsa" o‘z hujumchisining shartnomasidagi qaytarib sotib olish shartini faollashtiradi va Deulofeuni yana Kataloniyaga qaytaradi. Ispaniya terma jamoasi a’zosi o‘zini ko‘rsata olmagach, 2018 yilda "Uotford"ga o‘tdi. Bu jamoa APLdan tushib ketgach esa, "Udineze"ga yo‘l oldi. Jerar hozir Italiyada o‘ynaydi.
Marlon Santos
Marlon dastlab, "Barselona"ga 2016 yilda bir yillik ijara asosida "Fluminense"dan kelib qo‘shilgan. Himoyachi 2017-18 yilda 5 million yevroga doimiy sotib olinib, "Nissa"ga ijaraga beriladi. 2018 yilda Santos "Sassuolo"ga 6 million yevroga sotiladi. U yerda braziliyalik futbolchi 66 o‘yin o‘tkazib, "Shaxtyor Donesk" safiga borib qo‘shiladi. Ukraina urush o‘chog‘ida qolgach, Santos yana Italiyaga qaytdi va "Monsa" tarkibiga kelib qo‘shildi. Hozir u A seriya debyutantiga yordam bermoqda.
ISMATOV J.
