"Galatasaroy" "Roma" yarim himoyachisi Nikolo Dzanyoloni sotib olish arafasida. Insayder Nikolo Skiraning so‘zlariga ko‘ra, turk klubi yarim himoyachi uchun 15 million yevro, qo‘shimcha ravishda 5 million bonus sifatida to‘laydi. Pul to‘rtta urunishda bo‘lib to‘lanadi.
Futbolchining o‘zi esa yiliga 3 million yevro maosh bilan 2027 yilgacha shartnoma imzolaydi. Dzanyoloning shartnomasida 30 million yevrolik tovon puli ham ko‘zda tutilgan.
Qayd etilishicha, ertaga futbolchi Istanbulga uchib ketishi mumkin.
23 yoshli italiyalikning rimliklar bilan amaldagi shartnomasi 2024 yilning yoziga qadar tuzilgan.
Joriy mavsumda u "Roma" safida barcha turnirlarda 17 ta o‘yinda maydonga tushib, 2 ta gol urdi va 3 ta golga assistentlik qildi.