"Галатасарой" "Рома" ярим ҳимоячиси Николо Дзаньолони сотиб олиш арафасида. Инсайдер Николо Скиранинг сўзларига кўра, турк клуби ярим ҳимоячи учун 15 миллион евро, қўшимча равишда 5 миллион бонус сифатида тўлайди. Пул тўртта урунишда бўлиб тўланади.
Футболчининг ўзи эса йилига 3 миллион евро маош билан 2027 йилгача шартнома имзолайди. Дзаньолонинг шартномасида 30 миллион евролик товон пули ҳам кўзда тутилган.
Қайд этилишича, эртага футболчи Истанбулга учиб кетиши мумкин.
23 ёшли италияликнинг римликлар билан амалдаги шартномаси 2024 йилнинг ёзига қадар тузилган.
Жорий мавсумда у "Рома" сафида барча турнирларда 17 та ўйинда майдонга тушиб, 2 та гол урди ва 3 та голга ассистентлик қилди.