Angliya Premyer-ligasining eng yaxshsi driblingchilari ma’lum qilindi. Natijalarga ko‘ra, ayni damda "Arsenal" turnirdagi ikkinchi eng xavfli hujum chizig‘iga ega jamoa bo‘lib turibdi. Raqamlar, shuningdek, kutilmagan natijalarni taqdim etdi. Negaki, ro‘yxatdagi yetakchi futbolchi hech kim o‘ylamagan variant bo‘lib chiqdi. "CIES Football Observatory" tomonidan taqdim etilgan jadvalda kutilmaganlik yuzaga kelgan. Yevropa bo‘yicha olib qarasak, "Barselona" vingeri Usmon Dembele birinchi, "Real" hujumchisi Vinisius esa ikkinchi o‘rinni band etgan. Ammo bu ro‘yxatda uchinchida turgan Kevin De Bryuyne, APL tasnifida yetakchi sifatida e’tirof etiladi.
"Manchester Siti" yarim himoyachisiga "CIES" tomonidan 98.4 reyting ochkosiga berilgan. 31 yoshli futbolchi bu orqali Rafael Leao, Kingsley Koman va Kilian Mbappedan ko‘ra yuqoriroq o‘rinda qayd etiladi. De Bryuyne o‘zining to‘pni nozik his etishi, maydonni yaxshi ko‘rishi va kreativligi bilan dunyoning eng yaxshi futbolchilaridan biri sifatida e’tirof etilardi. Ammo uning driblingda ham ustamon ekani, ko‘pchilikni hayron qoldirgan bo‘lsa, ajab emas.
Jadvalning ikkinchi o‘rnida "Liverpul"ning yanvardagi yagona xaridi bo‘lgan Kodi Gakpo turibdi. U umumiy ro‘yxatda to‘qqizinchi o‘rinda keltiriladi. Uning ostida Fil Foden va "Nyukasl"ning tezlik quroli bo‘lgan Allan Sen-Maksimen joylashgan.
Jadvalning beshinchi va oltinchi pog‘onalaridan "Arsenal"ning hujum juftligi bo‘lmish Bukayo Saka va Gabriel Martinellilar qayd etildi. To‘pchilar vingerlari mavsum davomida raqib qanot himoyachilariga mislsiz muammolar tug‘dirib kelmoqda. "CIES" esa buni alohida qayd etib o‘tgan. Sakadan keyin "Liverpul" a’zosi Luis Dias joylashgan. "Tottenxem" futbolchisi Perishich esa sakkizinchi o‘rinni egallab turibdi. Kuchli o‘nlik Muhammad Saloh va Riyad Maxrez kabi afrikalik yulduzlar bilan yakun topadi. Ushbu juftlik oxirgi besh yildagi APL titullarini qo‘lga kiritgan. Shuningdek, ular so‘nggi yillarda o‘z driblingi bilan himoyachilarni o‘ljaga aylantirib kelmoqda. Ro‘yxatning qolgan qismi ham katta nomlar bilan to‘la. Ular ichida Serj Gnabri, Lionel Messi, Rodrigo va Luka Modrichlarni alohida ta’kidlagan bo‘lardik.
ISMATOV J.
