Ispaniya chempionatining 20-turida "Elche" nihoyat g‘alaba qozondi. La Liga autsayderi kutilmaganda o‘z uyida "Vilyarreal"ni mag‘lub etdi va mavsumning dastlabki o‘n to‘qqizta uchrashuvida oltita durangdan so‘ng, nihoyat, to‘liq uch ochkoni qo‘lga kiritdi.

Hozir esa Yevropaning yirik futbolida bu mavsumdagi g‘alabalarning ta’mini bilmagan bittagina jamoa bor – bu "Kremoneza". Yigirma bir uchrashuvda Italiya A Seriyasining debyutanti sakkiz marta durang o‘ynadi, biroq biror marta ham g‘alaba qozona olmagan.

Yevropaning Top-5 chempionatida o‘ynaydigan qolgan barcha 97 jamoa kamida bir marta g‘alaba qozongan.