“Milan”, “Inter”, “Yuventus”, “Lasio” va Yaponiya terma jamoalarining sobiq ustozi Alberto Dzakkeroni reanimasiyaga tushib qoldi. La Gazette Dello Sport xabariga ko‘ra, 69 yoshli italiyalik o‘z uyida sodir bo‘lgan baxtsiz hodisa tufayli hushini yo‘qotgan.
Manbaga ko‘ra, Dzakkeroni yiqilib, boshi bilan urilgan va hushini yo‘qotgan. Tez yordam mashinasi uni zudlik bilan Chezena shahridagi Maurisio Bufalini kasalxonasiga olib bordi. Avvaliga unga miya chayqalishi va bosh jarohati tashxisi qo‘yilgan, biroq hozircha o‘ziga kelgani yo‘q.
Italiyalik mutaxassis Italiya, Yaponiya, Xitoy va Birlashgan Arab Amirliklarida ishlab, 2019 yilda faoliyatini yakunlagan.
1998/99 yilgi mavsumda u "Milan" bilan A Seriya g‘olibi bo‘lgan, Yaponiya terma jamoasi bilan esa Osiyo Kubogi (2011) va Sharqiy Osiyo Kubogi (2013)da g‘olib chiqqan.