2020 yil avgust oyida "Bavariya" Chempionlar ligasida "Barselona"ni 8:2 hisobida mag‘lub etdi. Final hushtagi yangragandan so‘ng myunxenliklar himoyachisi Alfonso Devis Lionel Messi bilan futbolka almashishni xohladi, biroq argentinalik futbolchi mag‘lubiyatdan xafa bo‘lib, bu iltimosni rad etgandi.
Shunga qaramay Alfonso Devis o‘z maqsadiga erishdi. 914 kundan so‘ng kanadalik futbolchi Lionel Messining futbolkasini oldi. Seshanba kuni "Park de Prens" stadionida bo‘lib o‘tgan Chempionlar ligasi doirasida "PSJ" va "Bavariya" o‘rtasidagi o‘yindan keyin sodir bo‘ldi.
Eslatib o‘tamiz, "PSJ" o‘z maydonida "Bavariya"ga 0:1 hisobida imkoniyatni boy bergan edi. Yagona golga Kingsli Koman mualliflik qildi. Jamoalar o‘rtasidagi javob uchrashuvi 8 mart kuni bo‘lib o‘tadi.