2020 йил август ойида "Бавария" Чемпионлар лигасида "Барселона"ни 8:2 ҳисобида мағлуб этди. Финал ҳуштаги янграгандан сўнг мюнхенликлар ҳимоячиси Альфонсо Дэвис Лионель Месси билан футболка алмашишни хоҳлади, бироқ аргентиналик футболчи мағлубиятдан хафа бўлиб, бу илтимосни рад этганди.

Шунга қарамай Альфонсо Дэвис ўз мақсадига эришди. 914 кундан сўнг канадалик футболчи Лионель Мессининг футболкасини олди. Сешанба куни "Парк де Пренс" стадионида бўлиб ўтган Чемпионлар лигаси доирасида "ПСЖ" ва "Бавария" ўртасидаги ўйиндан кейин содир бўлди.

Эслатиб ўтамиз, "ПСЖ" ўз майдонида "Бавария"га 0:1 ҳисобида имкониятни бой берган эди. Ягона голга Кингсли Коман муаллифлик қилди. Жамоалар ўртасидаги жавоб учрашуви 8 март куни бўлиб ўтади.