"Inter" Romelu Lukaku va Nikolo Barellani "Sampdoriya"ga qarshi o‘yindagi mojaro uchun jazolamaydi.

A Seriya 23-tur uchrashuvining 40-daqiqasida Lukakuga Barella qo‘lini yuqoriga ko‘targani yoqmadi. Hujumchi jamoadoshiga baqira boshladi va uni haqorat qildi. Keyinroq “Inter” bosh murabbiyi Simone Inzagi futbolchilarni ushbu epizod uchun qoraladi.

Xabar qilinishicha, Lukaku va Barella chorshanba kuni "Inter"ning mashg‘ulotlarida klub rahbariyati ishtirokida vaziyatni hal qilishgan.

Qayd etilishicha, “neradzurrilar” boshliqlari futbolchilarning xatti-harakatlaridan norozi, ammo mojaro bartaraf etilgani uchun hech qanday chora ko‘rmaydi. Qolaversa, rahbariyat kiyinish xonasida keskin muhit yaratmoqchi emas va bunday holatlar boshqa takrorlanmasligiga umid qilmoqda.