"Lester" bosh murabbiyi Brendan Rojers yarim himoyachi Jeyms Meddisonning kelajagi haqidagi savolga javob berdi.

"Men uchun eng muhimi, Jeyms eng yaxshi formada va o‘z futbolini namoyish etadi. Shartnomani uzaytirsa yaxshi bo‘lardi, chunki u top futbolchi ekanligini anchadan buyon isbotlagan, ammo men unga "Lester"da qolishini iltimos qilmayman. Klubimizda futbolchilar a’lo darajada qo‘llab-quvvatlanadi va rivojlanish uchun barcha sharoit mavjud. Ular buni tushunishlari kerak”, - dedi Rojers “Manchester Yunayted”ga qarshi o‘yin oldidan o‘tkazilgan matbuot anjumanida.