"Лестер" бош мураббийи Брендан Рожерс ярим ҳимоячи Жеймс Мэддисоннинг келажаги ҳақидаги саволга жавоб берди.

"Мен учун энг муҳими, Жеймс энг яхши формада ва ўз футболини намойиш этади. Шартномани узайтирса яхши бўларди, чунки у топ футболчи эканлигини анчадан буён исботлаган, аммо мен унга "Лестер"да қолишини илтимос қилмайман. Клубимизда футболчилар аъло даражада қўллаб-қувватланади ва ривожланиш учун барча шароит мавжуд. Улар буни тушунишлари керак”, - деди Рожерс “Манчестер Юнайтед”га қарши ўйин олдидан ўтказилган матбуот анжуманида.